– బయట ఆడుకుంటుండగా ఘటన
– ముఖంపై తీవ్రంగా గాయపరిచిన కుక్క
గోల్కొండ టైమ్స్, తెలంగాణ బ్యూరో
ఐదేళ్ళ బాలుడిపై వీధి కుక్క దాడి చేసిన ఘటన సూరారం పోలీస్ స్టేషన్ పరిధిలో బుధవారం చోటు చేసుకుంది. సూరారంలో
వీధిలో ఆడుకుంటున్న ఓ ఐదేళ్ళ బాలుడిపై ఓ వీధికుక్క దాడిచేసి మొఖం పై గాయపర్చింది. బాలుడిపై కుక్క దాడి చేసే సమయంలో పక్కనే ఉన్న స్థానికులు అరవడంతో కుక్క బాలుడిని వదిలి వెళ్లిపోయింది. గాయపడిన బాలుడిని చికిత్స కోసం స్థానిక హస్పిటల్ కు తరలించారు. వీధికుక్క దాడి ఘటన
కొద్ది దూరంలో ఉన్న సీసీ కెమెరాలో రికార్డు అయింది. కొద్ది రోజులుగా వీధి కుక్కలు కాలనీలో స్వైరవీహరం చేస్తూ, భయాందోళనలు సృష్టిస్తున్నాయి..ఈ ఘటనపై గాజుల రామారం సర్కిల్ అధికారులకు సమాచారం ఇచ్చిన స్పందన లేదంటూ ఆగ్రహం వ్యక్తం చేస్తున్నారు స్థానికులు.
