Karimnagar Father Kill Son: విదేశాల్లో కష్టపడి సంపాదించి కుటుంబాన్ని పోషించే కొడుకును, తన కోడలితో వివాహేతర సంబంధం పెట్టుకున్న తండ్రి, ఆ బంధానికి అడ్డు వస్తున్నాడని కన్న ప్రేమను మరిచి హత్య చేయించాడు. ఈ దారుణం కరీంనగర్ జిల్లాలో వెలుగు చూసింది. వివాహేతర బంధం కోసం కన్నకొడుకునే కానరాని లోకాలకు పంపిన ఈ ఘటన అందరినీ దిగ్భ్రాంతికి గురిచేసింది. పోలీసులు ఈ దారుణానికి బాధ్యులైన వారిని అదుపులోకి తీసుకున్నారు. కన్నవారిని, కట్టుకున్న భార్యను, కడుపున పుట్టిన పిల్లలను పోషించడం కోసం ఉపాధి నిమిత్తం అతడు విదేశాలకు వెళ్లాడు. తల్లిదండ్రుల మీద నమ్మకంతో తన భార్యాబిడ్డలను వారి వద్దే వదిలేసి వెళ్లాడు. కోడలిని బిడ్డలా భావించి కంటికి రెప్పలా కాచుకోవాల్సిన మామ కామంతో కళ్లు మూసుకుపోయి ప్రవర్తించాడు. కోడలితో వివాహేతర బంధం పెట్టుకున్నాడు. విదేశాల నుంచి వచ్చిన కొడుక్కి వీరి విషయం తెలిసింది.
