ప్రముఖ దర్శక నిర్మాత ఎమ్మెస్ రాజు దర్శకత్వంలో కామాక్షి భాస్కర్ల, శ్రవణ్ రెడ్డి, ఉల్కాగుప్తా, జోవికా విజయ్ కుమార్ ప్రధాన పాత్రల్లో తెరకెక్కిన చిత్రం అగధ. తాజాగా ఈ సినిమా టీజర్ వదిలి సినిమాపై హైప్ తీసుకొచ్చారు. ప్రకృతిని దాటి ఏర్పడే ఏ శక్తులనైనా మనం ఆత్మలని, ప్రేతాత్మలని నమ్ముతాం. ఈ విశ్వంలో ఇవి మాత్రమే కాదు, ఇంకా ఎన్నో అతీత శక్తులు దాగున్నాయి. కొన్ని రక్షించేవైతే కొన్ని వేధించేవి’ అంటూ మొదలైన ఈ టీజర్ లోని సన్నివేశాలు బాగానే భయపెడుతున్నాయి. ఈ లెక్కన చూస్తే ఈ సినిమాలో హారర్ ఎలిమెంట్స్ పుష్కలంగా ఉన్నాయని చెప్పుకోవచ్చు.
