బాలీవుడ్ అగ్ర హీరో అమీర్ ఖాన్ సౌత్ బ్యూటీ సాయి పల్లవిపై ప్రశంసల వర్షం కురిపించారు. ముంబైలో జరిగిన ‘ఏక్ దిన్’ మ్యూజికల్ ఈవెంట్లో ఆయన మాట్లాడుతూ.. “ప్రస్తుతం మన దేశంలో ఉన్న అత్యుత్తమ నటీమణుల్లో సాయి పల్లవి ఒకరు” అని కొనియాడారు. తన కుమారుడు జునైద్ ఖాన్ కూడా ఈ సినిమాలో చాలా బాగా నటించాడని, అయితే తండ్రిగా తాను ఎక్కువ చెప్పలేనని చమత్కరించారు. ఈవెంట్ లో సినిమా ట్రైలర్ చూస్తున్న సమయంలో అమీర్ ఖాన్ కళ్లు చెమ్మగిల్లాయి, భావోద్వేగానికి లోనై కన్నీళ్లు తుడుచుకుంటున్న వీడియోలు నెట్టింట వైరల్ అవుతున్నాయి. అంతేకాకుండా, అరిజిత్ సింగ్ పాడిన ఈ సినిమా టైటిల్ సాంగ్ను అమీర్ ఖాన్ స్వయంగా పాడి అందరినీ అలరించారు.
