ఉగాది పండుగ సందర్భంగా మా ఇంటి బంగారం టీమ్ ప్రమోషన్స్ను వినూత్నంగా ప్లాన్ చేస్తూ, సమంత, దర్శకురాలు నందిని రెడ్డి మరియు యాంకర్ సుమ కలిసి ఒక ఎంటర్టైనింగ్ వీడియోతో ప్రేక్షకులను ఆకట్టుకున్నారు. ఈ ఉగాది స్పెషల్ వీడియోలో సమంత తన చలాకీతనంతో “వంట కాకుండా అన్నీ వచ్చు…” అంటూ సరదాగా మాట్లాడటం “ఉగాది పచ్చడికి గ్యాస్ కావాలా?” అంటూ అమాయకంగా ప్రశ్నించడం ప్రేక్షకులను నవ్వుల్లో ముంచెత్తింది. ఉగాది పచ్చడి తయారీని ఫన్నీగా చూపిస్తూ, సంప్రదాయానికి వినోదాన్ని జోడించిన ఈ వీడియో సోషల్ మీడియాలో వేగంగా వైరల్ అవుతోంది. ప్రస్తుతం షూటింగ్ చివరి దశలో ఉన్న ఈ చిత్రం మే 15న విడుదలకు సిద్ధమవుతోంది.
