గత ఎనిమిదేళ్లుగా ప్రేమలో ఉన్న విజయ్ – రష్మిక తమ బంధాన్ని పెళ్లి పీటల వరకు తీసుకెళ్లారు. ఉదయ్పుర్లోని ఆరావళి కొండల మధ్య ఉన్న ఐటీసీ మెమెంటోస్ (ITC Mementos) హోటల్లో ఈ వేడుకలు జరుగుతున్నాయి. మంగళవారం జరిగిన సంగీత్, మెహందీ వేడుకల్లో వీరిద్దరి ప్రేమకథను ప్రతిబింబించేలా గత ఎనిమిదేళ్ల ఫోటోలతో అలంకరించిన డెకరేషన్ ప్రత్యేక ఆకర్షణగా నిలిచింది. విరోష్ ప్రీమియర్ లీగ్ పేరుతో క్రికెట్ మ్యాచ్, పూల్ పార్టీలతో ఈ వేడుకలు సందడిగా సాగుతున్నాయి. ఫిబ్రవరి 26న ఉదయం తెలుగు హిందూ సంప్రదాయంలో, సాయంత్రం రష్మిక సొంత ఊరైన కూర్గ్ (కొడవ) సంప్రదాయంలో వివాహం జరగనుంది. ఈ వేడుకకు కేవలం 50 నుండి 100 మంది అత్యంత సన్నిహితులు మాత్రమే హాజరవుతున్నారు.
